ஒற்றை வார்த்தை !

ஊரெல்லாம் உறங்க

விழித்திருந்தேன் வீணிலே !

வேலையும் இல்லை

வேண்டுதலும் இல்லை !

உறங்கு என்ற உன்

ஒற்றை வார்த்தைக்காக

விழித்திருந்தேன் விடியும் வரை !

விடிந்ததும் வினவினாயா?

இல்லை விளக்கம் தான் தந்தாய்!

உன் பார்வைக்கு எட்டும்

தூரத்தில் நான் இல்லை

உன் மனதிற்குமா இது தூரம் ?

நேரில் பார்க்கையில் என்

பார்வையை உன் பார்வையால்

தடை செய்கிறாய்  !

நீ திரும்பி நடக்கையில்

என் பார்வை உன்னை

பின் தொடர்வதை

எப்படி தடுப்பாய் ?

உன் நிழலிலும் என் நிழல்

ஒளிந்திருக்கும்

விரட்ட நினைக்காதே வீணே !

காலம் ஒரு நாள் கேள்வி கேட்கும்

அது வரை காத்திரு !

கனவில் மட்டும் என்னுடன்

கை கோர்த்திரு !